November 20, 2016

ಗೆಳತಿಯ ಕನಸು

ಆರಿಸಿಕೊ ಗೆಳತಿ ನಿನ್ನ ಕನಸುಗಳ
ಚೆಲ್ಲಿವೆ ನೋಡು ಹಾದಿ ಬೀದಿಯಲಿ
ಅನಾಥವಾಗಿ ಬಿದ್ದಿವೆ ನೋಡು
ನಿನ್ನವೇ ಕನಸುಗಳು

ನಿನಗೆ ಬೇಡವಾದರೆ ಬಿಕರಿಗಾದರೂ ಇಡು ಗೆಳತೀ
ಅಮೂಲ್ಯ ಕನಸುಗಳವು
ನಿನ್ನ ಸ್ವಂತದ್ದು....
ನಿನಗೆ ಮಾತ್ರ ಅದರ ಸ್ವಾಮ್ಯ
ಬಿಟ್ಟು ನಡೆದೆಯಲ್ಲೇ ಗೆಳತೀ
ಕನಸುಗಳ ಹಾದಿಯಲಿ ಬಿಟ್ಟು

ಬಾ ಗೆಳತಿ ಇನ್ನೊಂದು ಬಾರಿ
ಕನಸುಗಳ ನನಸಾಗಿಸಲು ಬಾ
ಕನಸಿಗೊಂದು ರೂಪವೀಯಲು ಬಾ
ಕಾಯುವೆ ನಾ ಉಸಿರ್‍ಹಿಡಿದು ಕಾಯುವೆ
ನಿನ್ನ ಕನಸುಗಳು ಜೀವ ತಾಳುವುದ ನೋಡಲು ಕಾಯುವೆ
ಬಾ ಗೆಳತಿ ಮತ್ತೊಮ್ಮೆ ಹುಟ್ಟಿ ಬಾ...

No comments:

Post a Comment