October 27, 2016

ವಿದಾಯ...

ಅರ್ಥಪೂರ್ಣ ವಿದಾಯವಿಲ್ಲವೇ
ಇಷ್ಟೊಂದು ಕಾಲ ಇದ್ದೆ ನಿನ್ನೊಳು ನಾ
ಇದ ಪುನಃ ಪೂರ್ಣಕ್ಕೆ ಕಳಿಸಿದೆ ನೀ
ವಿದಾಯಗಳಿಲ್ಲದೆ... ಅನಾಥದಂತೆ ಕಳಿಸಿದೆ ನೀ

ಜಗದಿ ಇದ್ದು ಎದುರಿಸಿ ಜಯಿಸಿದವಗೆ
ಬದುಕೊಂದು ಕಾಮನಬಿಲ್ಲು
ಇಲ್ಲಿನ ಸವಾಲುಗಳ ಸ್ವೀಕರಿಸಲಾರದವಗೆ
ಬದುಕೊಂದು ಯಮಭಾರ

ಉತ್ತರವಿಲ್ಲದ ಪ್ರಶ್ನೆಗಳು ಹಲವು ನನ್ನಲಿ
ಆದರೆ ಬದುಕೊಂದು ಗಣಿತವಲ್ಲ,
ಪ್ರಶ್ನೆಗೆ ಒಂದೇ ಉತ್ತರವಲ್ಲ...
ಒಂದು ಪ್ರಶ್ನೆ - ಹಲವು ಅನುಭವ.
ಪ್ರತಿ ಅನುಭವಕ್ಕೆ ಪ್ರತ್ಯೇಕ ಉತ್ತರ

ಕೊನೆಗೂ...
ಉಳಿವುದೊಂದೇ ಉತ್ತರವಿಲ್ಲದ ಪ್ರಶ್ನೆ
ಯಾಕಿರಲಿಲ್ಲ ನನಗೆ ಅರ್ಥಪೂರ್ಣ.. ಭಾವಪೂರ್ಣ ವಿದಾಯ???
ಇದ್ದೆ ನಾ ಆ ದೇಹದಲ್ಲಿ... ಇಷ್ಟೊಂದು ಕಾಲ

ಇರಲಿ...
ಬರುವೆ ನಾ ಇನ್ನೊಂದು ಬಾರಿ..
ಮತ್ತೊಂದು ರೂಪದಿ...
ಕಂಡುಕೊಳ್ಳುವೆ ಉತ್ತರವ..

No comments:

Post a Comment