July 29, 2016

ಬೆತ್ತಲಾಗಲೇನು ಉಳಿಯಿತು.....

ಬೆತ್ತಲಾಗಲೇನು ಉಳಿಯಿತು ಈಗ
ರಕ್ತ..ಮಾಂಸಪೇಶಿ.. ಎಲುಬು..
ಚರ್ಮದ ಹೊದಿಕೆ ಹೊದ್ದ ದೇಹವಿದು

ನಾನು ಎಂಬುದರ ಮಾಲಕರಾಗಲು
ಎಲ್ಲರೂ ಹೊಂಚುವರು
ಮಾಲಕತ್ವ ಸಾಧ್ಯವೇ!?
ಈ ದೇಹ ಯಾರ್ಯಾರಿಗೋ ಋಣಿ
ಈ ಮನ ಇನ್ಯಾರ್ಯಾರಿಗೊ ಋಣಿ

ಆತ್ಮವೆಂಬೋ ಕಣ್ಣಿಗೆ ಕಾಣದ ವಿಷಯ
ಅಥವಾ
ಉಸಿರೆಂಬೋ ಅನುಭವ
ಈ ದೇಹ ಬಿಟ್ಟರೆ
ಆ ಕ್ಷಣ ದೇಹ ಕೊಳೆಯುವುದು
ಮನ ಇಲ್ಲವಾಗುವುದು

ಏನ ನಂಬುವೆಯೋ ಹುಲು ಮಾನವ
ಪರಿಶುದ್ದಿಯೇ
ಆತ್ಮಾನಂದವೇ
ತನು ತೃಪ್ತಿಯೇ

ತಿಳಿಯೆನು ನಾನು
ಪ್ರಶ್ನೆಗಳೇ ಎಲ್ಲಾ
ಉತ್ತರವು ಇಲ್ಲ


No comments:

Post a Comment