July 29, 2016

ಬೆತ್ತಲಾಗಲೇನು ಉಳಿಯಿತು.....

ಬೆತ್ತಲಾಗಲೇನು ಉಳಿಯಿತು ಈಗ
ರಕ್ತ..ಮಾಂಸಪೇಶಿ.. ಎಲುಬು..
ಚರ್ಮದ ಹೊದಿಕೆ ಹೊದ್ದ ದೇಹವಿದು

ನಾನು ಎಂಬುದರ ಮಾಲಕರಾಗಲು
ಎಲ್ಲರೂ ಹೊಂಚುವರು
ಮಾಲಕತ್ವ ಸಾಧ್ಯವೇ!?
ಈ ದೇಹ ಯಾರ್ಯಾರಿಗೋ ಋಣಿ
ಈ ಮನ ಇನ್ಯಾರ್ಯಾರಿಗೊ ಋಣಿ

ಆತ್ಮವೆಂಬೋ ಕಣ್ಣಿಗೆ ಕಾಣದ ವಿಷಯ
ಅಥವಾ
ಉಸಿರೆಂಬೋ ಅನುಭವ
ಈ ದೇಹ ಬಿಟ್ಟರೆ
ಆ ಕ್ಷಣ ದೇಹ ಕೊಳೆಯುವುದು
ಮನ ಇಲ್ಲವಾಗುವುದು

ಏನ ನಂಬುವೆಯೋ ಹುಲು ಮಾನವ
ಪರಿಶುದ್ದಿಯೇ
ಆತ್ಮಾನಂದವೇ
ತನು ತೃಪ್ತಿಯೇ

ತಿಳಿಯೆನು ನಾನು
ಪ್ರಶ್ನೆಗಳೇ ಎಲ್ಲಾ
ಉತ್ತರವು ಇಲ್ಲ


July 19, 2016

ನೀನು

ನಿನ್ನೆಡೆಗೆ ನನ್ನೊಲವು ಇಲ್ಲೆಂದು ಹೇಳುವುದು ಸುಲಭ
ಆದರಿದನು ನನ್ನೆದೆ ಜೀರ್ಣಿಸಿಕೊಳ್ಳದು

ನಿನ್ನ ಏನೆಂದು ಕರೆಯಲಿ ನಾನು
ಗೆಳತಿಯೋ ಅಲ್ಲ.. ಗೆಳೆತನಕ್ಕಿಂತ ಮೀರಿದ ಅನುಭಂದವಿದೆ.
ಮನೆಯೊಡತಿಯೇ ಅಲ್ಲ..ಬೇರಾರಿಗೋ ಆ ಸ್ಥಾನ ಮೀಸಲು ನನ್ನ ಬಾಳಲಿ
ಮನದೊಡತಿಯೇ ಅಲ್ಲ... ಒಡೆತನ ಮಾಡಲು ನೀ ನನ್ನೊಳು ಸೇರಿಲ್ಲ.

ನನ್ನ ಮನದ ನೆಮ್ಮದಿ ನೀನು
ನನ್ನ ಪ್ರಶ್ನೆಗಳ ಉತ್ತರ ನೀನು
ನನ್ನ ಮನದ ಕನ್ನಡಿ ನೀನು
ನನ್ನ ಪ್ರೀತಿ ನೀನು