July 25, 2013

ಬಾಳಸಂಗಾತಿ


     

ಸಪ್ತಪದಿ ತುಳಿದೆ ನಿನ್ನೊಡನೆ
ಸಪ್ತವರುಶಗಳ ಕಳೆದೆ ನಿನ್ನೊಡನೆ
ಸಪ್ತಕನಸುಗಳ ಸಾಕ್ಷಾತ್ಕರಿಸಿಕೊಂಡೆ
ಸಪ್ತಸ್ವರ ನಿನ್ನೊಡನಾಟದಲ್ಲಿ ಕೇಳಿದೆ

ಅಪಸ್ವರವೂ ಸುಸ್ವರವಾಯ್ತು ನಿನ್ನೊಡನೆ
ಹೊಸ ಸ್ವರಗಳ ಪರಿಚಯವಾಯ್ತು
ನಿನ್ನೊಡನೆಯ ಪ್ರತೀಕ್ಷಣವೂ ಇಂದಿಗೂ ಹೊಸದೇ


ನಗುವಿದೆ, ಮುನಿಸಿದೆ
ಪ್ರೀತಿಯಿದೆ, ಕೋಪವಿದೆ
ತಮಾಷೆಯಿದೆ, ಚಿಂತನೆಯಿದೆ
ಕಾಳಜಿಯಿದೆ,
ಹಾಲಿದೆ, ಜೇನಿದೆ

ನಗುವಿಗೆ ನಗುವ ಬೆರೆಸಿದೆ
ಅಳುವಿಗೆ ಸಾಂತ್ವಾನವಿತ್ತೆ
ಸಮಸ್ಯೆಗೆ ಉತ್ತರವಾದೆ
ಕಷ್ಟಗಳಿಗೆ ಸ್ಪಂದಿಸಿದೆ
ಅರಿತು ಅರ್ಥೈಸಿಕೊಂಡೆ
ಕಳಕೊಂಡದ್ದಾಯ್ತು
ಪಡಕೊಂಡಿದ್ದೂ ಇತ್ತು

ಏನಿತ್ತು, ಏನಿಲ್ಲ ಹೇಳಲಾರೆನು ನಾ
ಜೀವನವಿನ್ನೂ ಹಾಸಿ ಮಲಗಿದೆ ಮುಂದೆ

ಬಾ ಬಾಳಸಂಗಾತಿ ಜೊತೆ ಜೊತೆಯಲಿ ಹೆಜ್ಜೆಯನ್ನಿಡೋಣ

1 comment: