July 24, 2013

ನಗು

             
       
           
ನಗು ನಿನ್ನ ವೇಶ್ಯೆಯಾಗದಿರಲಿ
ನಗುವಾಗಲಿ ನಿನ್ನ ಅರ್ಧಾಂಗಿ
ನಗು ಕ್ಷಣಿಕವಾಗದಿರಲಿ
ನಗು ನಿನ್ನೊಳಗಿಳಿಯಲಿ
ನಗು ಶರಾಬಿನ ಅಮಲಾಗದಿರಲಿ
ನಗು ಹಾಲಿನ ತಂಪನ್ನೀಯಲಿ

ತುಟಿಗಳಿಗೆ ಸೀಮಿತವಾಗದಿರಲಿ ನಗು
ನಿನ್ನೊಳಗೆ ಹುಟ್ಟಿ
ಕಂಗಳಲ್ಲಿ ಮಿಂಚಿ
ಹೃದಯದಿಂದ ಹೃದಯಕ್ಕೆ ಪ್ರವಹಿಸಲಿ ನಗು

ಮಗುವಿನ ಮುಗ್ಧತೆಯಿರಲಿ
ನಗುವಿಗೆ
ಹೂವಿನ ಸೌಂದರ್ಯವಿರಲಿ
ನಗುವಿಗೆ
ಪ್ರಕೃತಿಯ ಸೊಗವಿರಲಿ
ನಗುವಿಗೆ
ಆತ್ಮಶಾಂತಿಯ ತೃಪ್ತಿಯಿರಲಿ
ನಗುವಿಗೆ

ಹಳಸಿದ ಶಬ್ದ ಜೋಡಣೆಗೆ
ಕ್ಷಣಿಕ ನಗು
ದೌರ್ಬಲ್ಯವನೆತ್ತಿ ಆಡಿದರೂ
ಕ್ಷಣಿಕ ನಗು

ಮನವರಳಲಿ, ಮುದಗೊಳಲಿ
ಮಂದಹಾಸವರಳಲಿ ತುಟಿಗಳಲಿ
ಹೃದಯವರಳಲಿ
ಕಂಗಳು ಹೊಳೆಯಲಿ
ಮಗದೊಬ್ಬನ ಮನ ಮುದಗೊಳಿಸಲಿ

No comments:

Post a Comment