May 16, 2011

ಮಲೆಂಗಲ್ಲು!!!


ಎತ್ತರವಾದ ಕಲ್ಲು ಹಾಸಿನ ಬೆಟ್ಟ... ಮೇಲೊಂದು ಚಿಕ್ಕ ಚೊಕ್ಕ ಉಮಾಮಹೇಶ್ವರ ದೇವರ ಸ್ಥಾನ... ಸುತ್ತೆಲ್ಲಾ ಹಸಿರ ಸಿರಿ... ಕಣ್ಣು ಹಾಯಿಸಿದಲ್ಲೆಲ್ಲಾ ದೂರದ ಬೆಟ್ಟಗುಡ್ಡಗಳು  - ಅವನ್ನು ಚುಂಬಿಸಬಯಸುವ ನೀಲಾಕಾಶ....
ವಾವ್... ಅಲ್ಲವೇ??? ಯಾವುದೋ ಪ್ರಸಿದ್ದ ಪ್ರವಾಸೀ ಸ್ಥಳದ ಬಗ್ಗೆ ಹೇಳುತ್ತಿದ್ದೇನೆ ಅಂದುಕೊಂಡಿರಾ??? ಖಂಡಿತಾ ಇಲ್ಲ... ಪ್ರಪಂಚಕ್ಕೆ ತಿಳಿಯದಿರುವ, ಕೇವಲ ಸುತ್ತಮುತ್ತಲಿನ ಜನ ತಿಳಿದಿರುವ ಮಲೆಂಗಲ್ಲು ಎಂಬೋ ಜಾಗದ ಬಗ್ಗೆ ನಾನೀಗ ಹೇಳ ಹೊರಟಿರುವೆ... 




ಧರ್ಮಸ್ಥಳದಿಂದ ಉಪ್ಪಿನಂಗಡಿಗೆ ಹೋಗುವ ಮಾರ್ಗದಲ್ಲಿ ಕುಪ್ಪೆಟ್ಟಿ ಇದೆ. ಇಲ್ಲಿಂದ ಎಡಕ್ಕೆ ಸುಮಾರು ೭ ಕಿ.ಮೀ. ಗಳ ದೂರದಲ್ಲಿರುವುದು ಪದ್ಮುಂಜ ಅಲ್ಲಿಗೆ ಹೋಗುವ ರಸ್ತೆಯಲ್ಲಿ ಬಲಕ್ಕೆ ಉಮಾಮಹೇಶ್ವರ ದೇವಸ್ಥಾನ ಎಂದು ಬರೆದಿರುವ ಸಣ್ಣ ಮಾರ್ಗ ಸೂಚಿ ಇದೆ. ಅಲ್ಲಿ ಮೇಲೆ ಹತ್ತಿಕೊಂಡು ಹೋದರೆ ಕಾಣುವ ದೃಶ್ಯ ನಯನ ಮನೋಹರ.




ಸಂಜೆಯ ಸಮಯದಲ್ಲಿ ಅಲ್ಲಿ ಮನುಷ್ಯ ಸಂಚಾರವಿಲ್ಲ. ಪ್ರಕೃತಿಯೊಂದಿಗೆ ತಾದಾತ್ಮ್ಯ ಸಾಧ್ಯವಾಗುವ ಜಾಗ.
ಬೆಟ್ಟದ ಮೇಲಿನ ಸೂರ್ಯಾಸ್ತವನ್ನು ಯಾವುದೇ ಗಲಾಟೆ ಗದ್ದಲಗಳಿಲ್ಲದೆ ನೋಡಬಹುದು.
ಎಲ್ಲಕ್ಕಿಂತ ಮುಖ್ಯವಾಗಿ ಇದು ಮನುಷ್ಯನ ಕ್ರೂರ ದೃಷ್ಟಿ ಬೀಳದಿರುವ ಸ್ಥಳ. 

ಹೊರಸುತ್ತಿನ ಪೌಳಿಯಿಂದ ನೋಡಿದ ಸೂರ್ಯಾಸ್ತ ಮರೆಯಲಸಾಧ್ಯ.

ಈಲ್ಲಿನ ಸ್ಥಳ ಪುರಾಣದ ಬಗ್ಗೆ ಹೆಚ್ಚೇನೂ ತಿಳಿದಿಲ್ಲ. ಗರ್ಭಗುಡಿಯ ಹೊರಭಾಗದಲ್ಲಿ ಹಾಕಿದ ಫಲಕ ಹೇಳುತ್ತದೆ:

ಬೆಳಗಿನ ಹೊತ್ತು ದೇವರಿಗೆ ಪೂಜೆ ನಡೆಯುತ್ತದೆ. ಉಮಾಮಹೇಶ್ವರ ವಿಗ್ರಹವಿರುವ ಅಪರೂಪದ ದೇವಸ್ಥಾನ.


ವರುಷಕ್ಕಾಗುವಷ್ಟು ಹಸಿರನ್ನು ಕಣ್ಣ ತುಂಬಿಸಿ ಹೊರಡಲು ಮುಷ್ಕರ ಹೂಡುತ್ತಿದ್ದ ಮನಸ್ಸಿನೊಂದಿಗೆ ಹೊರಟೆ.

1 comment:

  1. good info...
    was searching for lord umamaheshwara...maneya mane devaru....

    ReplyDelete