January 28, 2011

ಬೇಡದ ಕನಸುಗಳು!!!??


ತಲೆ ಬಾಲಗಳಿರದ ಕನಸುಗಳೇ
ಸುಳಿಯದಿರಿ ನನ್ನ ಬಳಿ
ಸುಳಿದು ನನ್ನ ನಾಳೆಗಳ
ಹಾಳುಗೆಡವದಿರಿ

ನಿದ್ದೆಯನು ಅಲಭ್ಯವಾಗಿಸಿದ
ಕನಸುಗಳೇ ಹೋಗಿರಿ ದೂರ
ಕನಸುಗಳು ಸುಂದರವೆನುವರು
ನನ್ನ ಕನಸುಗಳೇಕೆ ಭೀಕರ

ಇತ್ತೊಂದು ಕಾಲ, ಹಗಲ್ಕನಸ ಕಾಣುತ್ತಾ
ಆಲಂಗಿಸುತ್ತಿದ್ದೆ ನಿದ್ರಾದೇವಿಯ
ಕನಸುಗಳಿರದ ಮೈಹಗುರಾಗುವ ನಿದ್ದೆ
ಇರುಳಿಡೀ ಸುಖ ನಿದ್ದೆ

ಇಂದು ಬಂದಿದೆ ಕಾಲ, ಚಿಂತೆಗಳೇ ಮನದ ತುಂಬಾ
ಮೈ ಹಾಸಿಗೆಗಿಟ್ಟೊಡನೆ ಆವರಿಸುವುದು ನಿದ್ದೆ
ಅದಕೋ ಏನೋ ನಿದ್ದೆಯಲ್ಲೂ ಸುಖವಿಲ್ಲ
ಸಪ್ನಾದೇವಿ ಕಾಡುವಳು ರಾತ್ರಿಯೆಲ್ಲಾ

4 comments: